ԵՐԵՎԱՆ, 8 հոկտեմբերի — Sputnik. Ֆուտբոլի Հայաստանի ազգային հավաքականի լեգենդար դարպասապահ Ռոման Բերեզովսկին հեռացել է Մոսկվայի «Դինամոյի» մարզչական շտաբից, հայտնում է ակումբի կայքը:
«Դինամոյի» գլխավոր մարզիչ Յուրի Կալատվինցևը երկկողմ համաձայնությամբ խզել է պայմանագիրը: Ռուսաստանցի մասնագետի հետ ակումբից հեռացել են նաև նրա օգնականները, այդ թվում՝ 43-ամյա Բերեզովսկին:
Ֆուտբոլային ակումբը նրանց շնորհակալություն է հայտնել նախորդ խաղաշրջանում ունեցած ձեռքբերումների համար և հաջողություն մաղթել մարզչական ոլորտում։
Հիշեցնենք, որ Ռոման Բերեզովսկին «Դինամոյի» մարզչական շտաբում աշխատում էր 2015 թվականից: Նա թիմի դարպասապահների մարզիչն էր:
