ԵՐԵՎԱՆ, 8 հոկտեմբերի — Sputnik. Մոսկվայի մարզի հյուսիս-արևմուտքում գտնվող «Սինդիկա» առևտրի կենտրոնում բռնկած հրդեհի պատճառով մոտավորապես 500 մարդ է տարհանվել։ Այս մասին հայտնում է ՌԻԱ Նովոստին` հղում անելով մարզի արտակարգ ծառայությունների աղբյուրին։
«Գրեթե 500 մարդ է տարհանվել։ Տուժածների մասին տեղեկություն չկա»,- ասել է գործակալության զրուցակիցը։
Նշվում է նաև, որ առևտրի կենտրոնի կոնստրուկցիաների փլուզման վտանգ կա։
«Սինդիկա» առևտրի կենտրոնում հրդեհ է բռնկել կիրակի կեսօրին։ ՌԴ ԱԻՆ տարածաշրջանային կենտրոնի ներկայացուցիչը հայտնել է, որ հրդեհի մակերեսը հասել է 3 հազար քառակուսի մետրի։
