ԵՐԵՎԱՆ, 7 հոկտեմբերի — Sputnik. ՌԴ նախագահ Վլադիմիր Պուտինի ծննդյան օրվան նվիրված նկարներ են հայտնվել եվրոպական մի շարք քաղաքներում, հայտնում է ՌԻԱ Նովոստին:
«Պացիֆիստ, ծնունդդ շնորհավոր» գրությամբ գրաֆիտին հայտնվել է Փարիզյան փողոցներից մեկում, հեղինակը ֆրանսիացի նկարիչ Սկամե Ռետորն է (Skame Retors): Նկարն արված է Ալեքսանդր Ռոդչենկոյի խորհրդային պաստառների ոճով:
La jeunesse parisienne souhaite à sa manière l'anniversaire du Président @PoutineOfficiel né…un 7 octobre. pic.twitter.com/GYx9VcQJ51
— Hubert Fayard ФАЙЯР (@HubertFayard) 6 октября 2017 г.
Բարսելոնայում Պուտինն աչքով է անում անցորդներին: Անհայտ նկարիչն իր ստեղծագործությունն անվանել է այսպես. «Յուրաքանչյուր մարդ ինքնորոշման իրավունք ունի»:
Ռուս առաջնորդի պատկերով նկար է հայտնվել նաև Բեռլինում: Պուտինը նստած է բազկաթոռին, իսկ կողքին սպիտակ աղավնիներ են: Գրաֆիտի տակ երկու լեզվով գրառում կա` գերմաներեն և ռուսերեն: Ռուսերեն գրված է. «Ты сближаешь без усилья всех разрозненных враждой, Там, где ты раскинешь крылья, люди — братья меж собой…»:
Այս տողերը ԵՄ-ի օրհներգից են:
Իսկ Պրահայում նախագահի պատկերով գրաֆիտի տակ գրված է «Խաղաղապահ»:
Այսօր Վլադիմիր Պուտինը նշում է իր 65-ամյակը:
