ԵՐԵՎԱՆ, 7 հոկտեմբերի — Sputnik. Հայտնի ռուս հեռուստահաղորդավար և հումորիստ Միխայիլ Գալուստյանը ապշեցրել է Instagram-ի իր օգտատերերին` ՈՒՀԱ-ի «Утомленные солнцем» Սոչիի թիմում ելույթ ունենալու տարիներին մարմնավորած կերպարին շատ նման կնոջ հետ մի տեսանյութ տեղադրելով:
Գալուստյանը երկու տեսանյութ է հրապարակել և տակը գրել. «Նա գոյություն ունի»:
Հումորիստի հետևորդներն անմիջապես արձագանքեցին սիրված արտիստի գրառմանը՝ գրելով. «Այ քեզ բան. Սիրանույշն՝ իրականում», «Անցած հանգստյան տոներին Սոչի մեկնեցինք, հյուրանոցի տիրուհին Սիրանույշ տատիկն էր: Հիշեցինք ՈՒՀԱ-ն, Միշա, Դուք շատ հստակ էիք փոխանցում տեղի կոլորիտը», «Ես Սիրանույշ տատիկ ունեի՝ շատ նման ձեր կերպարին, ռուսերեն նույն կերպ էր խոսում, կատակում էլ էր նույն ձև: Միշտ ջերմորեն եմ հիշում նրան»:
Օգտատերերից մեկ ուրիշը, տեսանյութը դիտելով, գրել էր. «Նա Ձեր երկրպագուն է, տարիներով Ձեր կերպարի վրա աշխատել է: Սրտառուչ տիկին է»:
Տեսանյութում կինը պատմում է, որ ժամանակին աշխատել է ոստիկանության կադրերի բաժնում, այնուհետև անկեղծացել է. «Ամուսինս կրկին ամուսնացավ և լքեց ինձ տականքը»: Անծանոթ կինը խոստովանել է, որ այժմ նա հոգեբանություն է ուսումնասիրում:
