«Որոնում-2017» զորավարժությունը «Մարտական եղբայրություն 2017» օպերատիվ ռազմավարական զորավարժությունների շրջանակում ռազմական հակամարտության լուծման փուլի երեք միջոցառումներից մեկն է:
Զորավարժություններին մասնակցեց շուրջ 1000 մարդ, մոտ 80 միավոր տեխնիկա և մինչև 15 ԱԹՍ:
ՀՀ ԶՈՒ զորավարժարաններում պրակտիկ գործողությունների փուլի անցկացման ընթացքում ՀԱՊԿ անդամ-երկրների ԶՈՒ հետախուզական և հատուկ ստորաբաժանումները հակառակորդի տարածքում կարևոր և կրիտիկական օբյեկտներ հայտնաբերեցին և բացահայտեցին, հավաքեցին, մշակեցին և վերլուծեցին հետախուզական տեղեկությունները, փոխանակեցին հետախուզական տեղեկությունը ՀԱՊԿ ՕԱՀՈՒ հրամանատարության և հետախուզության կառավարման համատեղ վայրի միջև, ինչը բխում է ՀԱՊԿ ՕԱՀՈՒ համատեղ գործողությունների նախապատրաստման շահերից:
