ԵՐԵՎԱՆ, 6 հոկտեմբերի — Sputnik. Վրաստանի ֆինանսների նախարարության քննչական կոմիտեի աշխատակիցներն առգրավվել են երկրի տարածք ապօրինի մտցրած 870 գրամ ադամանդն ու 900 գրամ ոսկեղենը։ Քրեական պատասխանատվության են ենթարկվել երեք մարդ։ Այս մասին հայտնում է Sputnik Գրուզիան` հղում անելով գերատեսչությանը։
Քննիչները պարզել են, որ մեղադրյալներից մեկն ադամանդները փորձել է Վրաստան բերել «Սադախլո» անցակետով։ Մաքսանենգ ապրանքը նա թաքցրել է ավտոմեքենայի հատուկ թաքստոցում։
Ապրանքի ընդհանուր արժեքը գերազանցել է 60 հազար լարին (մոտավորապես 25 հազար դոլար)։
Քրեական գործ է հարուցվել «Վրաստանի մաքսային սահմանն անցնող ապրանքների հետ կապված կանոնները խախտելու» հոդվածով, որով նախատեսվում է տուգանք կամ 3-5 տարվա ազատազրկում։
