ԵՐԵՎԱՆ, 6 հոկտեմբերի — Sputnik. ԵԱՏՄ երկրները կարող են օգտագործել Հայաստանի հնարավորությունները Իրանի հետ հարաբերությունների զարգացման համար, ասաց Հայաստանի վարչապետ Կարեն Կարապետյանը` ելույթ ունենալով հայ–ռուսական միջտարածաշրջանային 6-րդ ֆորումի և Եվրասիական 2-րդ համաժողովի բացմանը։
«Հայաստանը, լինելով ԵԱՏՄ անդամ, այսօր կարող է լավ հարթակ լինել մեր բարեկամների համար։ Այն կարող է դիտարկվել ոչ միային որպես զուտ հայկական շուկա, այլև միջոց մեր հարևան Իրանի հետ հարաբերությունների զարգացման համար»,– ասաց Կարապետյանը։
Նրա խոսքով` այժմ ավարտվում են ազատ տնտեսական գոտու կազմակերպման աշխատանքներն ու Իրանի հետ սահմանին աշխատանքի հատուկ ռեժիմի կարգավորումը։
Վարչապետը նշել է, որ Երևանը ԱՄՆ–ի և ԵՄ–ի հետ GSP+ և GSP արտոնյալ ռեժիմներ ունի։
«Ճիշտ կլիներ քննարկել հեռանկարներն այդ աշխատանքներում մեր երկրների մասնակցության համար»,– ասաց Կարապետյանը։
Նրա խոսքով` անկախ առաջընթացից, միության երկրների միջև համագործակցության ներուժն ամբողջությամբ օգտագործված չէ։
ԵԱՏՄ–ն միջազգային ինտեգրացիան միավորում է, որը ստեղծվել է Մաքսային միության և Միասնական տնտեսական տարածքի հիման վրա, գործում է 2015 թվականի հունվարի 1–ից։ Միությունը ստեղծված է ԵԱՏՄ երկրներում ծառայությունների, ապրանքների, կապիտալի և աշխատուժի ազատ տեղաշարժումն ապահովելու նպատակով։ ԵԱՏՄ անդամ են Ռուսաստանը, Հայաստանը, Բելառուսը, Ղազախստանն ու Ղրղըզստանը։
