Արտակ Զաքարյան
ՀՀ և ՌԴ զինված ուժերի միացյալ խմբավորում ստեղծելու նախագիծը ՀՀ պաշտպանության նախարարի տեղակալ Արտակ Զաքարյանը համարում է երկու երկրների միջև լրացուցիչ ռազմավարական օղակ։ Այս մասին նա այսօր հայտարարել է ԱԺ-ում համաձայնագրին հավանություն տալու նախագծի քննարկման ժամանակ։
«Դրանով մենք գործնական մեխանիզմ ենք ստեղծում կովկասյան տարածաշրջանում, մեզ հետաքրքրող հատվածով, նաև` ՀՀ-ի շուրջ անվտանգության օղակ ձևավորելու և զարգացնելու համար»,-ասել է Զաքարյանը։
Ինչ վերաբերում է զորախմբի ստեղծման իրավական հիմքին, փոխնախարարը հավաստիացրել է, որ դրա համար կան իրավական պայմանագրեր, այդ թվում` հրապարակման ոչ ենթակա։
