ԵՐԵՎԱՆ, 4 հոկտեմբերի – Sputnik. ՀՀ նախագահ Սերժ Սարգսյանի կարգադրությամբ, նախագահական աշխատակազմից կրճատվել են 54 աշխատակից։ Արդյունքում պետական բյուջեում 29 097 300 դրամի խնայողություն է առաջացել։ Այս մասին նշված է ՀՀ կառավարության կայքում։
Վաղը` հոկտեմբերի 5-ին, ՀՀ կառավարությունը կորոշի ինչպես վարվել ազատված դրամական միջոցների հետ։ Գործադրի նիստի օրակարգում ներառված նախագծի համաձայն` գումարը կուղղվի կառավարության պահուստային ֆոնդ` մինչ դրա հետագա նպատակահարմարության որոշումը:
Ի դեպ, սա այս տարի նախագահի ապարատում կատարված առաջին կրճատումը չէ։
ՀՀ նախագահի` 2017 թվականի մայիսի 18-ի կարգադրությամբ աշխատանքից ազատվել էին աշխատակազմի 27 աշխատակից, 15-ով կրճատվել էր նաև ծառայողական ավտոմեքենաների թիվը:
