Եթե ահաբեկչության հետևանքով մոտ 60 մարդ սպանվել է, 500 մարդ վիրավորվել, ապա դա ահաբեկչություն է` անկախ այն հանգամանքից՝ մարդասպանը կապ ուներ ԻՊ–ի հետ թե ոչ, Sputnik Արմենիայի հետ զրույցում մեկնաբանելով Լաս Վեգասում երեկ կատարված հանցագործությունը, ասել է ԵՊՀ հայագիտական հետազոտությունների ինստիտուտի գիտաշխատող, արևելագետ Սարգիս Գրիգորյանը։
ԻՊ հաղորդագրության տարածած հաղորդագրությունն այն մասին, թե հանցագործը կազմակերպության գաղափարակիրն է եղել ու հետևել է Խալիֆի հրահանգներին, մեր զրուցակցին վստահություն չի ներշնչում։
«Թեկուզ, օրինակ, տարիքը։ ԻՊ–ը կողմնակից է, որ իր բռնարարքներն իրականացնող անձինք լինեն ավելի երիտասարդ կամ զոհվեն հենց ահաբեկչության ժամանակ։ Որոշակի փաստեր կան, որոնք թույլ են տալիս ենթադրել, որ հանցագործը կարող էր ԻՊ–ի հետ ուղիղ կապ չունենալ»,– ասում է Գրիգորյանը` չբացառելով, որ ԻՊ–ն օգտվում է առիթից բռնարարքն իրեն վերագրելու համար։
