ԵՐԵՎԱՆ, 3 հոկտեմբերի — Sputnik. ԵԱՏՄ կազմից Հայաստանի դուրս գալու մասին խորհրդարանի հայտարարության նախագիծը կքննարկվի արտահերթ։ Այս մասին հոկտեմբերի 3-ին ԱԺ նիստում ասել է խորհրդարանի խոսնակ Արա Բաբլոյանը։
«Թեպետ Արտաքին հարաբերությունների հանձնաժողովը բացասական եզրակացություն էր տվել նախագծին, այն արտահաերթ կարգով կքննարկեն այսօր»,- ասաց Բաբլոյանը։
Նա ընդգծեց, որ նոր ԱԺ կանոնակարգի համաձայն` ՀՀ Ազգային ժողովի վեցերորդ գումարման երկրորդ նստաշրջանի օրակարգում հարցը լրացուցիչ ընդգրկվել է որպես պարտադիր քննարկման ենթակա:
Բաբլոյանի խոսքով` այն օրակարգ կմտնի առանց քվեարկության:
«ՀՀ մասով ԵԱՏՄ պայմանագրի գործողությունը դադարեցնելու գործընթաց սկսելու վերաբերյալ» ՀՀ Ազգային ժողովի հայտարարության նախագծի վերաբերյալ Ազգային ժողով եզրակացություն ներկայացնելու համար ԱԺ ժամանակավոր հանձնաժողով ստեղծելու մասին նախագիծը ներկայացրել է «Ելք» խմբակցությունը:
