ԵՐԵՎԱՆ, 1 հոկտեմբերի — Sputnik. Կատալոնիայի իշխանությունները տվյալներ են հրապարակել անկախության հանրաքվեի ընթացքում քաղաքի փողոցներում տուժած անձանց թվի վերաբերյալ: Իրավապահ մարմինների տվյալների համաձայն` տարբեր աստիճանի մարմնական վնասվածքներ է ստացել 337 մարդ:
Ավելի վաղ հայտնել էին, որ Իսպանիայի ոստիկանությունը ռետինե մահակներով ցրում է Կատալոնիայի անկախության հանրաքվեին քվեարկելու համար ընտրատեղամասերի մոտ հավաքված մարդկանց: Մադրիդը հանրաքվեի անցկացումն անօրինական է համարում:
Իսպանիայի իշխանություններին, սակայն, հաջողվել է տապալել քվեարկության գործընթացը մի քանի տասնյակ ընտրատեղամասերում: Ոստիկանությունը փակում է ընտրատեղամասերն ու առգրավում քվեատուփերը:
Que circuli!!! Que el món vegi com actuen, cara tapada i contra unes. Que no menteixin: la seva violència només és proporcional al seu odi pic.twitter.com/M7f9THWDtl
— Jordi Sànchez (@jordisanchezp) 1 октября 2017 г.
Առցանց քվեարկության համակարգը չի գործում, մարդահամարի տվյալները անհասանալի են. դպրոցներում, որտեղ գտնվում են ընտրատեղամասերն, ինտերնետն արգելափակված է:
Կատալոնիայի իշխանությունները կոչ են անում մարդկանց քվեարկել` անկախ այդ սահմանափակումներից: Նրանք թույլ են տվել մարդկանց քվեաթերթիկներ տպել տանը և խոստացել են ձեռքով հաշվել դրանք:
Կատալոնիայի անկախության հանրաքվեն մեկնարկել է հոկտեմբերի 1-ի առավոտյան:
