ԵՐԵՎԱՆ, 1 հոկտեմբերի – Sputnik. Շուրջ 70 խորհրդային զինվորի աճյուն, որոնց թվում նաև 14 հայի, թաղվեցին Չեչնիայի Հանրապետությունում, հայտնում է Ռուսաստանում Հայաստանի դեսպանատան մամուլի ծառայությունը:
«Չեչնիայի Հանրապետության Նաուրսկի շրջանի Իշչերսկի ավանում տեղի ունեցավ Նաուրսկի, Նադտերեչնի և Շելկովսկի շրջանների տարածքում 1942 թվականին զոհված 70 խորհրդային զինվորների մնացորդները հողին հանձնելու արարողությունը։ Նրանց թվում նաև 14 հայ զինծառայող կար», — գրված է հաղորդագրության մեջ:
Հայրենական մեծ պատերազմի զինվորների մնացորդները հայտնաբերվել էին Չեչնիայի տարածքում 2017 թվականին:
Հուղարկավորման արարողությանը մասնակցեց Ռուսաստանում Հայաստանի դեսպան Վարդան Տողանյանը, Չեչնիայի Հանրապետության ազգային քաղաքականության, արտաքին կապերի, տպագիր մամուլի և տեղեկատվության հարցերով նախարար Ջամբուլատ Ումարովը, ինչպես նաև խորհրդային զինվորների հարազատները:
Ռուսաստանում Հայաստանի դեսպանատունը հրապարակել է խորհրդային հայազգի զինվորների անունները, որոնք թաղվեցին եղբայրական գերեզմանոցում. Աբրահամյան Մ… Աբրահամի, Ալեքսանյան Շայնազար Մելիքի, Ալիխանյան Համբարձում Սերգեյի, Հարությունյան Սարգիս Կարապետի, Ասպրյան Սանդրո Մուկուչի, Գալստյան Աղաջան Բարսեղի, Ղուկասյան Ալեքսանդր Հակոբի, Ղուկասյան Սպիրիդոն Գրիգորի, Եսայան Գնունի Կամիսարի, Ղահրամանյան Ղուկաս Զաքարի, Կարապետյան Եղիշ Ավետիսի, Մարգարյան Աղաբեկ Ավետիսի, Մուրադյան Հրանտ Մելիքի, Հովհաննիսյան Հայկազ Գրիգորի:
