Սարգիս Գրիգորյան
Հայաստանը պետք է հնարավորինս մեղմ դիվանագիտական դիրքորոշում հայտնի Իրաքի Քրդստանի իրավական ճանաչման վերաբերյալ։ Sputnik Արմենիային այս մասին ասել է ԵՊՀ Հայագիտական հետազոտությունների ինստիտուտի հայ-քրդական առնչությունների բաժնի գիտաշխատող, արևելագետ Սարգիս Գրիգորյանը։
«Մենք պետք է շատ լուրջ ծանր ու թեթև անենք, հասկանանք` որն է ճիշտ, որը` սխալ, որն է իրական ինֆորմացիան, որ ռեալ քաղաքականության մասին է խոսում, որը` զգացական»,- ասաց արևելագետը` հավելելով, որ առաջին արձագանքներն ավելի շատ զգացական դաշտում են։
Գրիգորյանը համոզված է` Հայաստանն այս պարագայում պետք է չեզոք դիրքորոշում որդեգրի, բայց կոչ անի կողմերին որքան հնարավոր է շուտ սկսել բանակցությունները` հարցի լուծման ուղղությամբ։
