Հայաստանի Վայոց Ձորի մարզի Խաչիկ գյուղում պատրաստեցին աշխարհի ամենամեծ ու ամենափոքր գաթաները։ 4 մետրանոց ու երեք սանտիմետրանոց գաթաները «հայտնվեցին» «Դյուցազնագրքում»։
Ռեկորդների հայկական գրքում հայտնված գլուխգործոցը պատրաստելու համար գյուղի բնակիչները մի քանի օր ու գիշեր էին աշխատել։
Սահմանամերձ գյուղի բնակիչների համար փառատոնն իսկական տոն էր։ Նրանք մրցում էին միմյանց հետ` ում տաղավարն է ավելի գեղեցիկ, ում գաթան ավելի համեղ, սեղանն էլ՝ ավելի հարուստ։
