ԵՐԵՎԱՆ, 29 սեպտեմբերի —Sputnik. RT հեռուստաընկերության գլխավոր խմբագիր Մարգարիտա Սիմոնյանը մեկնաբանել է Twitter-ի ներկայացուցիչների` ԱՄՆ կոնգրեսում ներկայացրած զեկույց, որը վերաբերել է իրենց սոցցանցում RT-ի տեղադրած գովազդի մասին։
Twitter-ի ներկայացուցիչները սենատի լսումների ժամանակ հայտարարել են, որ 2016 թվականին, երբ ԱՄՆ-ում անցկացվել են նախագահական ընտրությունները, RT —ն միկրոբլոգերի ցանցում ավելի քան 274 հազար դոլար է ծախսել։ Նրանք հայտարարել են նաև, որ փակել են 200 օգտահաշիվ, որոնք իբր կապված են եղել ԱՄՆ նախագահի ընտրությունների ժամանակ, այսպես կոչված, «Ռուսաստանի միջամտության» հետ։
«Twitter-ը կոնգրեսում սարսափելի տեղեկություն է հրապարակել. մենք գումարներ ենք ծախսել մեր ընկերությունը գովազդելու համար։ Ինչպես դա անում են աշխարհի բոլոր նորմալ մեդիաընկերությունները։ Հիմա մենք ստիպված ենք ավելի առաջ գնալ ու անկեղծորեն խոստովանել, որ գովազդի համար գումար եք ծախսել օդանավակայաններում, տաքսիներում, համացանցում, հեռուստատեսությունում ու ռադիոյում։ Մեր գովազդային տեսահոլովակները նույնիսկ CNN-ով են պտտվել»,- ՌԻԱ Նովոստիին ասել է Սիմոնյանը։
«Մենք չենք մտածել, որ զարգացած ժողովրդավարության պայմաններում ԶԼՄ- ի գովազդը կարող է կասկածելի ու վնասաբեր ակտիվություն լինել։ Իմիջիայլոց, Twitter-ի ռուսական սեգմենտում նույն արշավն են իրականացնում ամերիկյան ԶԼՄ-ները։ Շատ հետաքրքիր է իմանալ` որքան են նրանք ծախսում, ում են գովազդում և ինչ նպատակով»,- ավելացրել է նա։
Սա Ռուսաստանի հասցեին հնչած առաջին մեղադրանքը չէ։ Ավելի վաղ Facebook-ն էր պնդել, որ ԱՄՆ-ի նախընտրական քարոզարշավի ընթացքում «ռուսական» բոթերը իբր գովազդ են գնել սոցիալական ցանցում, որպեսի ազդեն նախագահական մրցապայքարի վրա։ ՌԴ նախագահի մամուլ քարտուղար Դմիտրի Պեսկովը հայտարարել է, որ Մոսկվան այդ ամենի հետ որևէ կապ չունի։
