ԵՐԵՎԱՆ, 28 սեպտեմբերի — Sputnik. Ռուսաստանի նախագահի մամուլի քարտուղար Վլադիմիր Պեսկովը հայտնել է, որ Վլադիմիր Պուտինի ու Ռեջեփ Թայիփ Էրդողանի հանդիպման ժամանակ սեղանին լոլիկ չի եղել։ Այս մասին հայտնում է ՌԻԱ Նովոստին։
Ավելի վաղ տեղեկություն էր տարածվել, որ երկու երկրի առաջնորդները քննարկել են գյուղմթերքի մատակարարման հարցը։ Քննարկվել են նաև թուրքական լոլիկների Ռուսաստան ներմուծման հետ կապված սահմանափակումները։ Լրագրողներին հետաքրքրել է` երկրների նախագահների հանդիպման ժամանակ սեղանին լոլիկներ եղե՞լ են, թե ոչ։
«Ոչ, սեղանին լոլիկներ չկային» — նշել է Ռուսաստանի նախագահի մամուլի քարտուղարը։
Երեկ Ռուսաստանի գյուղատնտեսության նախարարը հայտնել է, որ գերատեսչությունը ՌԴ կառավարությանն է ներկայացրել թուրքական լոլիկի ներմուծման մեխանիզմների վերականգման վերաբերյալ առաջարկությունները։
