ԵՐԵՎԱՆ, 29 սեպտեմբերի — Sputnik. Տավուշի մարզում 36-ից 37 շաբաթական հղիություն ունեցող կինն իրենց առանձնատան պատշգամբում ծննդաբերել է։ Ծննդկանի մայրը պտուղը գցել է առանձնատանը կից կառուցված զուգարանը:
Այս լուրը Sputnik Արմենիայի հետ զրույցում հաստատեցին ՀՀ ոստիկանության ԶԼՄ-ների հետ կապի բաժնից։
«Սեպտեմբերի 27–ին ժամը 05։10–ին «Բերդ» բժշկական կենտրոնից ահազանգ է ստացվել, որ իրենց դիմել է 1984 թվականին ծնված մի կին, որը ծննդաբերել է տանը և պտուղն իր հետ հիվանդանոց չի բերել: Հաղորդվածի հիման վրա նյութեր են նախապատրաստվել։ Պարզվել է, որ նույն օրը կինը իրենց տան պատշգամբում ծննդաբերել է, ինչից հետո նրա մայրը նորածնին նետել է առանձնատանը կից կառուցված զուգարանը»,–հայտնեցին ոստիկանությունից:
Նորածին երեխան մահացել է: Կատարվում է հետաքննություն։
