ԵՐԵՎԱՆ, 29 սեպտեմբերի — Sputnik. Ռուս տիեզերագնաց Սերգեյ Ռյազանսկին Facebook–ի իր էջում տիեզերքից արված Արարատ լեռան բացառիկ լուսանկարներ է տեղադրել։
«Արարատը` Հայկական լեռնաշխարհի ամենաբարձր լեռնազանգվածն է։ Բաղկացած է հանգած հրաբուխների երկու հիմքով կպած կոներից` մեծ (Մասիս) և փոքր (Սիս) գագաթներից։ Նրանց միջև հեռավորությունը 11 կմ է», – գրել է Ռյազանսկին։
Հայկական լեռնաշխարհի բարձրադիր կետի` Մասիսի բարձրությունը 5165 մետր է, այն այսօր գտնվում է Թուրքիայի տարածքում։ Ավանդազրույցի համաձայն` հենց Արարատ լեռան վրա է հանգրվանել Նոյը ջրհեղեղից հետո։ Լեռան աշխարհագրական տարիքը` 3.5 մլն է։ Սիսի բարձրությունը 3925 մետր է։ Այն 150 հազար տարեկան է։
