ԵՐԵՎԱՆ, 28 սեպտեմբերի — Sputnik. Հայկական ծագումով և այժմ Մադրիդում բնակվող երաժիշտ Արա Մալիկյանը ներկայացրել է իր ողջ տաղանդը և անձնական հմայքը իսպանական Պիկասենտ քաղաքում:
Լարային քառյակի, հարվածային գործիքների և էլեկտրական կիթառի ուղեկցությամբ և իր յուրահատուկ ոճով նա գրավել է համերգին ներկա ավելի քան 1000 հանդիսատեսի սրտերը: Ավելի քան երկու ժամ տևած համերգը ավարտվել է հուզված հանդիսատեսի բուռն ծափահարություններով:
Համերգի ընթացքում` համարից համար դադարի ժամանակ, Մալիկյանը հանդիսատեսին պատմել է իր ջութակի մասին պատմությունները, ծանոթացրել իր ընտանիքին և ներկայացրել այն դժվարին ուղին, որ իրեն հաջողություն է բերել։
