Վիշապագորգի բացմանը ներկա Երևանի քաղաքապետի խորհրդական, Երևան քաղաքի գլխավոր դիզայներ Գագա Ամատունին նշեց, որ երբ մտածեցին, որ Երևանում հայկական գորգի խճանկար լինի, որոշվեց, որ կներկայացվի ամենահին գորգերից մեկը` Վիշապագորգը։
Երևանի քաղաքապետարանի առաջարկությամբ «Մեգերյան կարպետ» ընկերության կողմից մայրաքաղաքի Կարապի լճի հարևանությամբ ` բացվել հայկական վիշապագորգի խճանկարը:
Վիշապագորգի խճանկարը պատրաստվել է շուրջ 900 հազար կտոր քարերից, որոնք ներառում են մարմար, գրանիտ, ազուրիտ, տուֆ-ավազաքար: Շատ ամուր և թեթև կոնստրուկցիա է։ Ցանկալի կլինի, որ քիչ քայլեն նրա վրայով։ Այն տեղադրվել է, որ մարդիկ տեսնեն, նկարվեն, իմանան վիշապագորգի մասին»,–ասաց Ամատունին։
Սա Երևանի քաղաքապետարանի և «Մեգերյան կարպետ» ընկերության համագործակցության ևս մեկ հաջողված օրինակ է, ինչն ունենալու է նաև շարունակություն:
