ԵՐԵՎԱՆ, 27 սեպտեմբերի — Sputnik. Ռուսական «Յու» հեռուստաալիքով ցուցադրվող «Գեղեցկության դեսպանատուն» ռեալիթի-շոուի նոր եթերաշրջանի նկարահանումներն անցկացվել են Հայաստանի մայրաքաղաք Երևանում։
Ծրագրի հերոսները` հեռուստահաղորդավարների` թոփ-մոդել Ելենա Կուլեցկայայի և ոճաբան Նիկոլայ Օվեչկինի ուղեկցությամբ, զբոսնում են Երևանով, այցելում մերսման սրահներ, «ժենգյալով հաց» պատրաստում և օդապարիկ նստում։
Հայկական մայրաքաղաքի ընտրությունը պատահական չի եղել, քանի որ Ելենան և Նիկոլայը հետևում են աշխարհի նորաձևության իրադարձություններին և նկատել, որ Հայաստանի դիզայներները վերջին տարիներին ավելի բարձր և վստահ քայլեր են անում նորաձևության աշխարհում։ Դե իսկ քաղաքի գեղեցիկ տեսարանները, հիանալի եղանակը և համեղ կերակուրները հերոսուհիների ճանապարհորդությունը Երևանում իսկապես անմոռանալի են դարձնում։
«Այս տարի «Գեղեցկության դեսպանատունը» կրկին դռներն է բացում բոլոր նրանց առջև, ովքեր որոշել են փոխել իր կերպարը։ Այս անգամ նոր ուղղություն է ընտրվել Հայաստանի մայրաքաղաք Երևանը` աշխարհի ամենահին և գեղեցիկ քաղաքներից մեկը։ Հայաստանն արագ տեմպերով ներխուժել է համաշխարհային ֆեշն-ինդուստրիա։ Տեղի դիզայներները իրենց մասին հայտարարեցին աշխարհին։ Եվ իհարկե «Գեղեցկության դեսպանատունը» չէր կարող բաց թողնել նորաձև մայրաքաղաքի լուսաբացը», — ծրագրի ամենասկզբում պատմում են հաղորդավարները։
Ծրագրի հերոսուհիներն Երևանից կտանեն բազում վառ տպավորություններ և հետաքրքիր հույզեր։
