ԵՐԵՎԱՆ, 26 սեպտեմբերի — Sputnik. «Ты супер» բարեգործական հիմնադրամը, որի նպատակն է օգնել ստեղծագործող ու ծնողական խնամքից զրկված երեխաներին, դարձել է «Սբերբանկ միասին» նախագծի գործընկերը։ Այս հարթակը թույլ է տալիս կանոնավոր հանգանակություններ անել ավելի քան 100 բարեգործական կազմակերպությունների օգտին։
Այժմ հեշտացել է հանգանակություններն առցանց կատարելու գործընթացը, պարզապես պետք է մտնել «Սբերբանկ միասին» ծառայության կայք, ընտրել «Ты супер» հիմնադրամը և գումար նվիրաբերել այն երեխաներին, որոնք կյանքի բարդ իրավիճակում են հայտնվել և չեն կարողանում լիարժեքորեն դրսևորել իրենց տաղանդը։
«Երեխաներին օգնելու ցանկություն ունեցող մարդկանց թիվն այնքան է շատացել, որ մենք ստեղծել ենք «Ты супер» հիմնադրամը։ Նպատակն է օգնել պատանի տաղանդներին, որոնք զրկվել են ծնողական խնամքից։ «Ты супер» միջազգային մրցույթի մեկնարկից մեկ տարի չանցած այս նախագիծն իսկական սոցիալական շարժման է վերածվել։ Մենք ուրախ ենք, որ «Սբերբանկ միասին» նախագծի պես ուժեղ գործընկեր ենք ձեռք բերել, որի հետ մենք կարող ենք ավելի մեծ թվով մարդկանց ներգրավել մեր երեխաների ապագան կառուցելու գործում»,- ասում է ՆՏՎ հեռուստաընկերության գլխավոր պրոդյուսեր Թիմուր Վայնշտեյնը։
«Ты супер! Танцы» միջազգային մրցույթը, որն անցկացնում են ՆՏՎ հեռուստաընկերությունը և Sputnik գործակալությունն ու ռադիոն, կմիավորի Ռուսաստանի, ԱՊՀ-ի ու Բալթյան երկրների տարբեր անկյուններում բնակվող տաղանդավոր երեխաներին և նրանց նվիրական երազանքներն իրականացնելու հնարավորություն կտա։
