ԵՐԵՎԱՆ, 26 սեպտեմբերի — Sputnik. Երևանում ՄՊՀ–ին կից բացվեց Արմեն Երիցյանի անվան դպրոցի պաշտոնական բացումը։ Ընդ որում՝ ուսումնական հաստատությունը գործում է սույն թվականի սեպտեմբերի 1-ից։
«Կարմիր ժապավենը» կտրեցին ՀՀ և Ռուսաստանի կրթության և գիտության նախարարները` Լևոն Մկրտչյանն ու Օլգա Վասիլևան։
«Ուսումնական հաստատությունը կրում է Հայաստանի ականավոր ԱԻՆ նախկին նախարար Արմեն Երիցյանի անունը, որն, իրավամբ, մեծ հեղինակություն է ձեռք բերել, շատ ջանքեր գործադրել միջազգային գործակցության գործում։ Նա մարդասիրական արձագանքի հայ-ռուսական կենտրոնի, ինչպես նաև Երևանում ՄՊՀ մասնաճյուղի ր այս դպրոցի հիմնադիրներից մեկն էր։ Այդ պատճառով այն կրում է այդ փառահեղ մարդու` Արմեն Հենրիխի Երիցյանի անունը»,– նշեց Վասիլևան` ելույթ ունենալով դպրոցի բացմանը։
Նրա խոսքով` պատահական չէ, որ Հայաստանում Ռուսաստանի այցեքարտը հանդիսացող ՄՊՀ–ի մասնաճյուղ է գործում, և դպրոց, քանի որ հոգաբարձուների շարքում կան ՄՊՀ–ի շրջանավարտներ։
«Սա ավագ և բազմապրոֆիլ դպրոց է։ Այստեղ համադրված են ուսուցման ավանդական և նորարարական մեթոդները։ Ամենակարևորը, որ դպրոցում կիրառելի են նորարարություններ, բացի այդ՝ դպրոցը երկլեզու է», – հավելեց ռուս նախարարը դպրոցի հետ ծանոթանալուց հետո։
Երիցյանի անվան ՄՊՀ–ի մասնաճյուղին կից բացված դպրոցի փոխտնօրեն Նադեժդա Բելովան նշեց, որ այստեղ դեռ միայն ավագ դպրոց է գործում, սակայն մտադիր են նաև նոր դասարաններ բացել։
«Սովորում է 51 մարդ, գործում է 4 դասարան` 10-րդ հայկական, 10-րդ ռուսական, 11-րդ ռուսական և 12-րդ ռուսական։ Դասավանդումն իրականացվում է երկլեզու հիմունքներով, հայկական դասարաններում ուսուցում են անցնում հայերենով, ռուսականում` ռուսերենով», – ասաց Բելովան։
Այլ երկրների քաղաքացիները, նրա խոսքով, նույնպես իրավունք ունեն սովորելու դպրոցում, ներկա պահին, բացի ՌԴ և ՀՀ քաղաքացիներին, դպրոցում ուսանում են նաև Ուզբեկստանի և Ուկրաինայի քաղաքացիներ։
Արմեն Երիցյանը, որը գլխավորում էր ՀՀ ԱԻՆ–ը 2010թ–ի մարտից, մահացել է 2016 թվականի դեկտեմբերի 13-ին 55 տարեկան հասակում՝ քաղցկեղից։
