ԵՐԵՎԱՆ, 26 սեպտեմբերի — Sputnik. Ռուսաստանի առաջնորդ Վլադիմիր Պուտինի` ստվարաթղթից պատրաստված «արձանը» տեղադրվել է Վանաձոր քաղաքի մանկական խաղահրապարակներից մեկում։ Այս մասին հայտնում է BBC-ի ռուսական ծառայությունը։
Այգու տնօրեն Տիգրան Ստեփանյանի կարծիքով, Ռուսաստանի Դաշնության նախագահի պատկերը գրավում է զբոսաշրջիկներին։
«Ինչպես երեխաները, այնպես էլ մեծահասակները գալիս են այստեղ լուսանկարվելու։ Գալիս են անգամ օտարերկրացիները, վերջերս Իտալիայից մի խումբ էր եկել։ Բոլորը ցանկանում են լուսանկարվել Պուտինի հետ», — ասել է Ստեփանյանը, որը հենց ստվարաթղթե «արձանի» հեղինակն է։
Նա նշել է, որ գաղափարը ծնվել է 90-ականներին, երբ 25 ռուբլու դիմաց Մոսկվայում լուսանկարվել է ստվարաթղթե Գորբաչովի հետ։ Նա գաղափարը կյանքի է կոչել, և այժմ ինքն է գումար աշխատում։
![Картонная фигура Владимира Путина на одной из детских площадок Еревана Картонная фигура Владимира Путина на одной из детских площадок Еревана - Sputnik Արմենիա](https://cdn.am.sputniknews.ru/img/879/89/8798934_0:0:2000:1500_600x0_80_0_0_d44b502547da6e06bb788ab86fa7142c.jpg)
Ավելի վաղ նախագահ Պուտինի կողքին ԱՄՆ նախկին նախագահ Բարաք Օբամայի պատկերն է եղել։ Սակայն մի անգամ հարբած քաղաքացիներն Օբամային մեղադրել են դրամի փոխարժեքի անկման համար ու կոտրել են նրա ստավարաթղթե արձանը։ Ու հիմա Պուտինի կողքին կանգնել է «Դե, սպասիր» մուլտֆիլմի հայտնի գայլը։