ԵՐԵՎԱՆ, 26 սեպտեմբերի — Sputnik. Այսօր Երևանի երեկոյան երկնքում անոմալ երևույթ է նկատվել, ականատեսը հասցրել է լուսանկարել վառ լույսը և լուսանկարները տրամադրել է Sputnik Արմենիային։
Լուսանկարներն արվել են Շենգավիթ շրջանում երեկոյան մոտավորապես 19:30-ին։
Լուսանկարներում լուսավոր բիծ է երևում, որի շուրջ վառ լուսավորություն է տարածվում։
![Երևանի երկնքում հայտնված տարօրինակ «օբյեկտը» Երևանի երկնքում հայտնված տարօրինակ «օբյեկտը» - Sputnik Արմենիա](https://cdn.am.sputniknews.ru/img/880/48/8804855_0:269:1440:1174_600x0_80_0_0_a80e48e9e17ec0151ca0aaf04d03b2e3.jpg)
![Երևանի երկնքում հայտնված տարօրինակ «օբյեկտը» Երևանի երկնքում հայտնված տարօրինակ «օբյեկտը» - Sputnik Արմենիա](https://cdn.am.sputniknews.ru/img/880/49/8804916_0:392:1440:1297_600x0_80_0_0_c469018ac06a79653617f36f89f53e0d.jpg)
![Երևանի երկնքում հայտնված տարօրինակ «օբյեկտը» Երևանի երկնքում հայտնված տարօրինակ «օբյեկտը» - Sputnik Արմենիա](https://cdn.am.sputniknews.ru/img/880/52/8805260_0:155:1279:960_600x0_80_0_0_dbc7dbf0845f80ff3e2c4935af5710fa.jpg)
![Երևանի երկնքում հայտնված տարօրինակ «օբյեկտը» Երևանի երկնքում հայտնված տարօրինակ «օբյեկտը» - Sputnik Արմենիա](https://cdn.am.sputniknews.ru/img/880/54/8805406_0:138:1280:943_600x0_80_0_0_bd39899dd13f5712e916178cc2e86cfd.jpg)
«Երկնքում ասես լապտեր լիներ։ Չգիտեմ` երբ այն առաջացավ։ Պատահաբար տեսա։ Իմ նկատելուց հետո օբյեկտը միայն երկու րոպե երկնքում մնաց։ Չքվելուց առաջ բիծը մեծացավ, հետո անհետացավ», — Sputnik Արմենիային պատմեց Հայկուհի Մեսրոպյանը։
Գիտա՞ստղ էր սա, թե՞ այլմոլորակայիններն էին մեզ հյուր եկել. պատասխանը որոշեք ինքներդ։
Sputnik Արմենիայի որոշ աշխատակիցներին սա մի դեպք հիշեցրեց. 80-ականների վերջին, 90-ականների սկզբին Երևանի երկնքում բավականին հաճախ էին անոմալ երևույթներ հայտնվում։ Կապույտ երկնքում բաց բծեր էին հայտնվում ցերեկային ժամերին։ Երկնքում երկար ժամանակ անշարժ մնալուց հետո «ՉԹՕ»-ն եռանկյունաձև էր դառնում ու պտտվում բումերանգի պես։
Youtube-ում հրապարակված տեսահոլովակները վկայում են, որ նման երևույթ այսօր դիտվել է ոչ միայն Հայաստանում։