ԵՐԵՎԱՆ, 25 սեպտեմբերի — Sputnik. Ղրիմի իշխանությունները մոտ ապագայում մտադիր են հայկական եկեղեցի, հրեական սինագոգ և Տաճարային մզկիթ կառուցել Սիմֆերոպոլում։
Թերակղզում միջազգային և միջկրոնական հարաբերությունները Ղրիմի բնակչության մեծ մասը ներդաշնակ են համարում։ ՌԴ Պետդումայի պատգամավոր Ռուսլան Բալբեկը այսօր հայտնել է, որ Ղրիմի բնակչության մեծամասնությունը կողմ է Սիմֆերոպլում Տաճարային մզկիթի կառուցմանը, հայտնում է «Ղրիմինֆոն»։
Բալբեկը համոզված է, որ նույնիսկ ամենափոքր ժողովրդի ձայնը պետք է հաշվի առնել։ «Մտադրություն կա նաև հայկական եկեղեցի և հրեաների սինագոգ կառուցել», – ասել է նա։
Ղրիմի պետական խորհրդի նախագահ Վլադիմիր Կոնստանտինովը հայտնել է, թե ինչ փուլում է գտնվում Ղրիմի թաթարների և այլ արտաքսված ժողովուրդների կյանքի բարեկարգմանն ուղղված մեծածավալ ծրագրի իրականացումը։
Ղրիմի Հանրապետության ղեկավար Սերգեյ Աքսյոնովը ներկայացրել է Մոսկվայում մոտ ժամանակներս անցկացվելիք Ղրիմի մշակութային օրերի ծրագիրը։ «Մոսկվայում մտադիր ենք Ղրիմի մշակույթի օրեր անցկացնել։ Այնտեղ ներկայացված կլինեն Ղրիմում բնակվող բոլոր ժողովուրդները` հայերը, հրեաները, հույները, Ղրիմի թաթարներ», – ասել է Աքսյոնովը։
