ԵՐԵՎԱՆ, 23 սեպտեմբերի — Sputnik. Թուրք մոդել Իտիր Էսենի թվիթերյան գրառումը ճակատագրական է դարձել. նրան զրկել են «Միսս Թուրքիա 2017» տիտղոսից։ Այս մասին հաղորդում է ՌԻԱ Նովոստին։
Գեղեցկության մրցույթի կազմկոմիտեի ղեկավար Ջան Սանդիկչիօղլուի խոսքով` աղջիկն այս տարվա հուլիսի սկզբին «կասկածելի գրառում» է հրապարակել Twitter-ի իր էջում։
Bu kadar aşağılık bir tweet daha önce görmedim ve birde bu beyinsiz missturkey olmuş 😡😡 #ITIRESEN pic.twitter.com/DKnm6N519C
— Rıfat SERT (@RfatSERT) 22 сентября 2017 г.
Էսենը Թուրքիայի հեղաշրջման փորձի մեկ տարվա կապակցությամբ Twitter-ի իր էջում գրառում է կատարել` նշելով, որ դաշտանի օրերը սկսվել են, և իր «արյունն ավելացել է այն հերոսների արյանը», որոնք զոհվել են 2016 թվականի հուլիսի 15-ի անհաջող հեղաշրջման ժամանակ։
Էսենին տիտղոսից զրկել են հաղթանակից ժամեր անց։ Գեղեցկուհու Twitter-ի էջն այժմ չկա, իսկ նրա լուսանկարները ջնջել են գեղեցկության մրցույթի կայքից։
«Ցավով ենք հայտնում, որ Իտիր Էսենը նման գրառում է հրապարակել։ «Միսս Թուրքիա» մրցույթի կազմկոմիտեի համար դա անընդունելի է, քանի որ մենք ձգտում ենք Թուրքիան ներկայացնել աշխարհին և մեր ներդրումն ունենալ երկրի վարկանիշի բարձրացման գործում», — հայտարարել է Սանդիկչիօղլուն։
Չինաստանում նախատեսված «Միսս աշխարհ 2017» գեղեցկության միջազգային մրցույթում Թուրքիան կներկայացնի Ասլի Սյումենը, որը երկրորդ տեղն է զբաղեցրել ազգային մրցույթում։
