Yerevan Food Fest անունը կրող միջոցառման ընթացքում հնչեց երաժշտություն, նվագեցին հայ երաժիշտները, խոհարարներից յուրաքանչյուրը փորձեց ներկաների ուշադրությունը հրավիրել իր պատրաստած ուտեստների ախորժալի բույրերով և գեղեցիկ զարդարված տաղավարով։
Փառատոնի ընթացքում հայ խոհարարները բրնձով ու վարունգով 10-մետրանոց ռոլ պատրաստեցին։
Yerevan Food Fest փառատոնն առաջին անգամ է անցկացվում Երևանում։ Սա ռեստորանային սննդի և վարպետության դասերի քաղաքային փառատոն է։
Միջոցառմանը մասնակցեցին տարբեր երկրներից Հայաստան ժամանած ռեստորատորներ, խոհարարական թեմաներ լուսաբանող բլոգերներ և լուսանկարիչներ։
Փառատոնի հովանավորներից մեկը Sputnik Արմենիան էր։
