ԵՐԵՎԱՆ, 23 սեպտեմբերի — Sputnik. Բաքվում ընթացքող Եվրանեսթ ԽՎ-ի համաժողովի հայ պատվիրակներ Արմեն Աշոտյանն ու Մանե Թանդիլյանը լուսանկարներ են հրապարակել Բաքվից։ Այս մասին նշված է ՀՀ Ազգային ժողովի արտաքին հարաբերությունների մշտական հանձնաժողովը ֆեյսբուքյան էջում։
«Սա նախկին հայկական եկեղեցին է Բաքվում, որը չի գործում։ Այն պատկանում է Ադրբեջանի նախագահի գրադարանին։ Եկեղեցու տարածքը և շենքը փակ է»,- նշված է հաղորդագրության մեջ։
Հայ պատվիրակները եկեղեցու տարածք մուտք գործելու հնարավորություն չեն ունեցել:
Նշենք, որ «Եվրանեսթ» խորհրդարանական վեհաժողովի հայաստանյան պատվիրակության ղեկավար Արմեն Աշոտյանն ու պատվիրակության անդամ Մանե Թանդիլյանը սեպտեմբերի 21-ից Բաքվում մասնակցում են վեհաժողովի սոցիալական, կրթության, մշակույթի և քաղաքացիական հասարակության հարցերի հանձնաժողովի կազմակերպած համաժողովին:
Համաժողովը նվիրված է կանանց առողջության և գենդերային հավասարության խթանմանը:
