Մուշեղ Շուշանյան
Փաստաբան Մուշեղ Շուշանյանը «Սասնա ծռերի» գործով 12 նիստից ներկա է եղել միայն երկուսին։ Այս մասին նա այսօր լրագրողներին հայտնեց այն բանից հետո, երբ հերթական անգամ նրան թույլ չտվեցին մտնել դատարան։
Մեկնաբանելով տեղի ունեցած միջադեպը` Շուշանյանը պատմեց, որ հրաժարվել է կատարել դատական կարգադրիչների` դրամապանակը ցույց տալու պահանջը։
«Մետաղորսիչ սարքն այս անգամ ոչ թե պայուսակիս, այլ իմ գրպանի մոտ ձայնային ազդանշան տվեց։ Հարցին, թե ինչ է, ես պատասխանեցի, որ իմ դրամապանակն է, որից հետո պահանջ ներկայացվեց, որպեսզի ես այն հանեմ ու իրենց ցույց տամ»,- պատմեց փաստաբանը` անօրինական որակելով դատական կարգադրիչների պահանջը, որն ինքը հրաժարվել է կատարել։
Փաստաբան Մուշեղ Շուշանյանը դատարանում պաշտպանում է «Սասնա ծռեր» խմբի անդամ Վարուժան Ավետիսյանի շահերը։
