ԵՐԵՎԱՆ, 20 սեպտեմբերի — Sputnik. Հայաստանի ու Արցախի սահմանների անվտանգությունը փոխկապակցած հասկացություններ են, «Հայաստան — Սփուռք» համահայկական համաժողովին ելույթի ժամանակ ասաց Ազգային ժողովի նախագահ Արա Բաբլոյանը։
«Հայաստանի համար առաջնահերթ է Հայաստանի ու Արցախի սահմանների անվտանգության պահպանումը։ Երկու երկրներն էլ շատ ընկերներ ունեն տարբեր երկրների խորհրդարաններում», — ասաց Բաբլոյանը։
Որպես օրինակ նա նշեց Հայաստանի նախագահ Սերժ Սարգսյանի` ՄԱԿ-ի Գլխավոր ասամբլեայի ամբիոնից հնչեցրած հայտարարությունը` Հայաստանի քաղաքականությունը բխում է նախևառաջ ազգային շահերից։
«Մենք գիտակցում ենք` ինչ մարտահրավերներ ունենք։ Գիտակցում ենք, որ մեզանից լավ մեր խնդիրները ոչ ոք չգիտի ու չի էլ իմանա», — ասաց Բաբլոյանը։
Նա ընդգծեց, որ Հայաստանն օրեցօր ուժեղանում է, ու դա տեղի է ունենում նաև սփյուռքի աջակցությամբ ու ակտիվ մասնակցությամբ։ Բաբլոյանի խոսքով Երևանի համար կարևոր է սփյուռքի մասնակցությունը։
«Մեզ համար շատ կարևոր է ձեր մասնակցությունը Հայաստանի խնդիրների լուծման ու Հայաստանի սահմաններից դուրս հայության պահպանման հարցում», — ընդգծեց Բաբլոյանը։
Նրա խոսքով` «Հայաստան — Սփյուռք» համահայկական համաժողովն աշխարհասփյուռ հայությանը ևս մեկ քայլով մոտեցրել է Հայաստանին և հակառակը։
Երևանում սեպտեմբերիր 18-20-ն անցկացվող «Հայաստան — Սփյուռք» համաժողովին մասնակցում է ավելի քան 1800 մարդ աշխարհի 71 երկրից։ Նրանցից 35%-ը կանայք են, 25%-ը` երիտասարդներ։ Համաժողովին մասնակցում են ավելի քան 90 խմբագիր ու լրագրող, տարբեր կազմակերպությունների ավելի քան 100 մասնակից, դեսպաններ ու միջազգային կազմակերպությունների ներկայացուցիչներ, հայեր Ռուսաստանից, Կանադայից, Լիբանանից, Սիրիայից, Վրաստանից ու Արցախից։
