ԵՐԵՎԱՆ, 19 սեպտեմբերի — Sputnik. Մադրիդի «Ռեալի» գլխավոր մարզիչ Զինեդին Զիդանը նշել է, որ նա նոր պայմանագիր կկնքի արքայական ակումբի հետ, հաղորդում է armsport.am-ը՝ հղում անելով Marca-ին:
Զիդանի գործող պայմանագրի ժամկետը «Ռեալի» հետ լրանում է 2018 թվականի ամռանը: Նոր պայմանագրի ժամկետը նախատեսված կլինի մինչև 2020 թվականը:
«Իմ նոր պայմանագրի հարցն արդեն լուծված է, սակայն դա ոչինչ չի նշանակում: Կարևորն այն է, որ մենք առաջ ենք շարժվում քայլ առ քայլ»,- Զիդանի խոսքն է մեջբերում Marca-ն:
