ԵՐԵՎԱՆ, 19 սեպտեմբերի — Sputnik. Թուրքիայի խորհրդարանի հայ պատգամավոր Կարո Փայլանը խուսափեց շատ հարցերի պատասխանել, միայն հայտնեց իր ուրախությունը Հայաստանում գտնվելու կապակցությամբ, նաև խոսեց իր պայքարի գաղափարախոսության մասին:
«Հպարտ եմ, որ այստեղ եմ, Հայաստանի համար բոլորս ենք ջանք գործադրում: Արդարության համար պետք է աշխատել միասնաբար, խոսքը միայն Հայաստանի մասին չէ, դա վերաբերում է նաև Թուրքիային, Սիրիային և այլն»,-ասաց Փայլանը:
Հիշեցնենք, որ Կարո Փայլանը Հայաստան է ժամանել Հայաստան-Սփյուռք համաժողովին մասնակցելու համար: Ավելի վաղ Թուրքիայի խորհրդարանի հայ պատգամավորն այցելել էր նաև Ծիծեռնակաբերդ՝ հարգանքի տուրք մատուցելու ցեղասպանության անմեղ զոհերի հիշատակին:
