Վահրամ Փիրջանյան
«Հոկտեմբերի սկզբին Կանադայից պատվիրակություն է գալու Երևան ` դեսպանի գլխավորությամբ։ Հայաստանի իշխանությունների հետ քննարկվելու են Հայաստանում, մասնավորապես` ՏՏ-ոլորտում արվող ներդրումների հարցը», — ասաց Փիրջանյանը «Հայաստան — Սփյուռք» համահայկական համաժողովի ժամանակ։
Նրա խոսքով` Հայաստանի ու Կանադայի միջև շփման կետեր կան նաև այլ ոլորտներում։ Վերջերս զարգանում են առևտրային ու տնտեսական հարաբերությունները։ Հայաստանի հետ համագործակցության առումով Կանադայի համար հեռանկարային է համարվում նաև գյուղատնտեսությունը։
Համագործակցության ամրապնդմանը նպաստել է նաև Հայաստանում Կանադայի դեսպանատան առաջիկա բացումը։
