ԵՐԵՎԱՆ, 17 սեպտեմբերի — Sputnik. BBC հեռուստաընկերության Rellik նախագծի նկարահանման հարթակում դիակ է հայտնաբերվել: Այս մասին հայտնում է The Mirror-ը:
«Նկարահանող խումբը ժամանել է «իր» դին նկարահանելու համար, սակայն ոստիկանությունն ասել է, որ դա անհնարին է, քանի որ այնտեղ իսկական դի է հայտնաբերվել: Սա տարօրինակ էր. Իրականությունն ավելին էր, քան հորինված պատմությունը», — պատմել է դերասան Պատերսոն Ջոզեֆը, որը սերիալում հոգեբույժի դեր է խաղում:
Rellik (անգլերեն «քիլլեր» բառը հակառակ ընթերցմամբ) սերիալը պատմում է մի մարդասպանի մասին։ Նախագծի հեղինակները «Անհայտ կորածները» շոուի ստեղծողներն են։
Առաջին դրվագի պրեմիերան կայացել է սեպտեմբերի 11-ին։
