ԵՐԵՎԱՆ, 17 սեպտեմբերի — Sputnik. Լոնդոնի ոստիկանությունը ձերբակալել է մետրոյի ահաբեկչական գործողության երկրորդ կասկածյալին: Այս մասին հայտնում է Սքոթլենդ Յարդը:
Լոնդոնի Հաունսլոու թաղամասից 21-ամյա տղամարդուն տեղափոխել են քաղաքի հարավում գտնվող ոստիկանական բաժանմունք:
Նախօրեին Դուվր նավահանգստի մոտակայքում ձերբակալվել է առաջին կասկածյալը, որ 18 տարեկան է:
Ահաբեկչության պատասխանատվությունը ստանձնել է «Իսլամական պետություն» ահաբեկչական կազմակերպությունը։
Հիշեցնենք, որ պայթյունը տեղի է ունեցել սեպտեմբերի 15-ին Լոնդոնի «Փարսոնս Գրին» կայարանում օրվա ամենաթեժ ժամին։ Մոտավորապես 30 մարդ է տուժել։ Տուժածների թիվն ավելի մեծ կլիներ, եթե ինքնաշեն պայթուցիկ սարքը պայթեր ամբողջ ուժգնությամբ։
