ԵՐԵՎԱՆ, 17 սեպտեմբերի — Sputnik. Անգլիայի առաջնության 5-րդ տուրում «Մանչեսթեր Յունայթեդը» «Օլդ Տրաֆորդում» ընդունեց Լիվերպուլի «Էվերտոնին» և հաղթեց 4:0 հաշվով:
Հաշիվը բացեց պաշտպան Անտոնիո Վալենսիան: Պորտուգալացի Ժոզե Մոուրինյոյի գլխավորած թիմի երկրորդ գոլը բելգիացի հարձակվող Ռոմելու Լուկակուի փոխանցումից հետո 84-րդ րոպեին խփեց Հայաստանի հավաքականի կիսապաշտպան Հենրիխ Մխիթարյանը: Վերջին րոպեին աչքի ընկավ նաև Լուկակուն: Իսկ ավելացված երկրորդ րոպեին 11 մետրանոցն իրացրեց Մարտիալը:
Նշենք, որ առաջնության նախորդ չորս տուրում Մխիթարյանը գոլային հինգ փոխանցում էր կատարել:
