ԵՐԵՎԱՆ, 17 սեպտեմբերի — Sputnik. Հուլիսի վերջին ձերբակալված ֆրանսիացի լրագրող Լու Բյուրոն վերադարձել է հայրենիք։ Այս մասին հայտնում է ՌԻԱ Նովոստին:
Ֆրանսիացի լրագրող Լու Բյուրոյի գործում որոշիչ դեր են ունեցել Ֆրանսիայի արտգործնախարար Ժան Իվ Լը Դրիանի և Թուրքիայի նախագահ Ռեջեփ Թայիփ Էրդողանի բանակցությունները: Twitter-ի իր էջում նման ենթադրություն է արել «Լրագրողներ առանց սահմանների» կազմակերպության գլխավոր քարտուղար Քրիստոֆ Դելուարը:
«Ստամբուլից ուղևորված Air France ավիաընկերության ինքնաթիռը, որում եղել է Լու Բյուրոն, վայրէջք է կատարել Ռուասի Շառլ դը Գոլ օդանավակայանում», — գրել է նա:
Loup Bureau est en train de parler avec @EmmanuelMacron au tél. Dans le salon, la ministre @FrancoiseNyssen, sa mère, son père, sa tante https://t.co/eUcdnSYH8o
— Christophe Deloire (@cdeloire) 17 сентября 2017 г.
Դելուարը նշել է, որ լրագրողին, բացի հարազատներից, դիմավորել է նաև Ֆրանսիայի մշակույթի նախարար Ֆրանսուազ Նիսենը։
«Այս պահին Լու Բյուրոն հեռախոսով զրուցում է Էմանուել Մակրոնի հետ (Ֆրանսիայի նախագահ)։ Օդանավում են մշակույթի նախարար Ֆրանսուազ Նիսենը, Լուի մայրը, հայրը, հորաքույրը», — գրել է Դելուարը։
TV5 Monde-ի, Arte-ի և Slate-ի հետ համագործակցող ֆրանսիացի անկախ լրագրող Լու Բյուրոն ձերբակալվել էր հուլիսի 26-ին Իրաքի և Թուրքիայի սահմանին:
