ԵՐԵՎԱՆ, 17 սեպտեմբերի — Sputnik. Պատանի ծանրորդները նախապատրաստվում են Պրիշտինայում (Կոսովո) կայանալիք Եվրոպայի առաջնությանը: Այս մասին հայտնում է Հայաստանի ազգային օլիմպիական կոմիտեի մամուլի ծառայությունը։
Տղաների հավաքականը հանդես է գալու երկու տարիքային խմբում՝ մինչև 15 և մինչև 17 տարեկաններ:
Ավագ մարզիչ Գևորգ Դավթյանը ներկայացրել է Եվրոպայի առաջնություն մեկնող ծանրորդների անունները:
15 տարեկանների խմբում կմասնակցեն 50 կգ՝ Արա Պողոսյանը, 56 կգ՝ Մարտին Քոչարյանը, 69 կգ՝ Գևորգ Ղահրամանյանը:
17 տարեկանների խմբում` 50 կգ՝ Մոնթե Մխիթարյանը, 62 կգ՝ Բաբկեն Բագրատյանը, 69 կգ՝ Ռաֆիկ Հարությունյանը և Արմեն Գրիգորյանը, 77 կգ՝ Կարեն Մարգարյանը և Արա Աղանյանը, 94 կգ՝ Յաշա Մինասյանը:
Ծանրամարտի Եվրոպայի պատանիների առաջնությունը կանցկացվի սեպտեմբերի 23-ից 30-ը:
