ԵՐԵՎԱՆ, 16 սեպտեմբերի — Sputnik. «Տաշիր» ընկերությունների խմբի նախագահ Սամվել Կարապետյանը կազմակերպել էր կրտսեր որդու՝ Կարենի շքեղ հարսանիքը։
Համացանցում արդեն առաջին կադրերն են հայտնվել, որոնցում երևում է, որ հանդիսությունը կազմակերպված է ազգային հայկական ավանդույթների համաձայն։
Կարենի ընտրյալը Լիլիթ անունով մի աղջիկ է։ Պսակադրությունն անցավ Հայ առաքելական եկեղեցու Մոսկվայի հայկական եկեղեցական համալիրում։
«Ինչքան գեղեցիկ ու դյութիչ են ավանդական հարսանիքները, չափավոր, միաժամանակ, շքեղ ու հիշվող։ Աստված երկար տարիների երջանկություն տա, համերաշխ կյանք ու առողջ երեխաներ»,- այսպիսին են Instagram-ում հայտնված առաջին լուսանկարների արձագանքները։
Հարսանեկան հանդիսությունը տեղի ունեցավ «Սաֆիսա» սրահում, ուր, սովորաբար, իրենց միջոցառումներն են նշում Մոսկվայի ունևոր հայերը։
Նույն ռեստորանում է տեղի ունեցել Կարապետյանի ավագ որդու՝ Սարգսի հարսանիքը։
Հարսանիքի քավորը ՀՀ վարչապետ Կարենն Կարապետյանն է։ Հայկական լրատվամիջոցների տվյալների համաձայն՝ հարսանիքին հրավիրված էր էին պաշտոնյաներ ու գործարարներ Հայաստանից, ներկա էին նաև գործարար Ռուբեն Վարդանյանը և հայտնի հաղորդավար Վլադիմիր Սոլովյովը։
