ԵՐԵՎԱՆ, 16 սեպտեմբերի — Sputnik. Սեպտեմբերի 15-ին, ժամը 20:46-ին, ԱԻՆ-ում ահազանգ է ստացվել, որ Կոտայքի մարզի Ծաղկաձոր քաղաքի ռեստորաններից մեկի տարածքում արջը դուրս է եկել վանդակից և բարձրացել վանդակի վրա. անհրաժեշտ է փրկարարների օգնությունը:
Դեպքի վայր են մեկնել հատուկ նշանակության փրկարարական աշխատանքներ իրականացնող կենտրոնի փրկարարական ջոկատը և մեկ մարտական հաշվարկ: Փրկարարները արջին տեղափոխել են վանդակ: Ի դեպ, Վայրի բնության ու մշակութային արժեքների հիմնադրամի հաշվարկով՝ Հայաստանում ժամանցի և զվարճանքի վայրերում, վանդակներում այսօրինակ 80 արջ է պահվում։
Վատ պայմաններում պահվող ու շրջապատի համար վտանգ ներկայացնող կենդանիները ոչ միայն հաշվառվել են հիմնադրամի կողմից, այլև առաջիկայում կտեղափոխվեն հատուկ կառուցվող ազատավանդակ։ Իսկ ինքնուրույն կյանքին հարմարվելուց ու կորցված բնազդը վերականգնելուց հետո, արջերը բաց կթողնվեն հայաստանյան անտառներ։
