«Եթե նույնիսկ անհրաժեշտությունը կա տեղանունները փոխելու, ապա պետք է համապատասխան մոտեցում ցուցաբերել: Ումից ենք հրաժարվում և ինչու: Հայաստանում կան հազարավոր գյուղեր, նույնիսկ քաղաքներ, որոնք ունեն թուրքական անուններ: Մի՞թե Ալավերդի քաղաքի անվանումը մաքուր հայկական է: Ցանկացած անվան հետևում կա հսկայական պատմություն»,–ասում է Չարխչյանը։
Գալով Լենինգրադյան փողոցին` բանախոսը հարց ուղղեց այդ անվանումը փոխել ցանկացողներին. «Գոնե նրանք տեղյակ են, թե Լենինգրադում հայկական անվանումով քանի փողոց ու վայր կա: Բա որ աշխարհն էլ հրաժարվի ամեն հայկականից»:
Հովիկ Չարխչյանն առաջարկում է` եթե պետք է բոլշևիկներին ջնջենք, սկսենք Վահան Տերյանից, գանք Չարենցին` հայտնի բոլշևիկներ են։ Մեր պատմության մի տարողունակ հատված, ի վերջո, մենք ապրել ենք այդ պետությունում` ԽՍՀՄ–ում։
