ԵՐԵՎԱՆ, 14 սեպտեմբերի — Sputnik. Տաջիկստանի օդանավակայաններից մեկի տնօրենը մահացել է երկրի նախագահ Էմոմալի Ռահմոնին ճանապարհելիս, հայտնում է ՌԻԱ Նովոստին` հղում անելով երկրի ՆԳՆ-ին։
Տաջիկստանում Խորոգ ավանի օդանավակայանի տնօրեն Դիլդոր Մաքսուդշոևը ճանապարհում էր նախագահ Ռահմոնին։
«Երբ նախագահի ուղղաթիռն օդ էր բարձրանում, Դիլդոր Մաքսուդշոևը շատ մոտ էր կանգնած։ Ուժգին քամու և ուղղաթիռի թևերի շարժումից նա ընկել է ու խփվել մոտակայքի մեծ քարին», — հայտնում է մամուլի ծառայությունը։
Մաքսուդշոևը լուրջ վնասվածքներ է ստացել ու մահացել։
