Ամիրյան. «Ցուցահանդեսի փակումը թեմայի հետ կապ չունի»

Հայաստանում առաջիկայում կարող է բացվել ստալինյան բռնությունների զոհերին նվիրված թանգարան։ Այսօր լրագրողներին հայտնեց մշակույթի նախարար Արմեն Ամիրյանը։ «Տարվա ընթացքում նախարարությունը ծրագրում է նույն թեմայով այլ ցուցադրություններ կազմակերպել ու նույնիսկ առանձին թանգարան բացել` նվիրված ստալինյան բռնությունների զոհերին»,– ասաց Ամիրյանն` անդրադառնալով Թումանյանի թանգարանում այդ թեմայով ցուցահանդեսը փակելու խնդրին։

Սեպտեմբերի 9-ին, 22 օր գործելուց հետո, նախարարության հրահանգով փակվել էր  «Խավարում» խորագրով բացօթյա ցուցահանդեսը։ Հովհաննես Թումանյանի թանգարանի մուտքի մոտ բացված ցուցադրությունը նվիրված էր ստալինյան բռնությունների զոհերին, այդ թվում`  Թումանյանի ժառանգներին։