Դիանա Հարությունյան, Sputnik.
Մինչև բոլորովին վերջերս Տարոն Տոնոյանը Երևան ԲԿ-ի համասեփականատերն էր և գլխավոր բժիշկը: Նրա և գործընկերոջ` Հայկ Բալայանի ջրերը մի առվով չգնացին, ու այսօր հիվանդանոցը չի աշխատում, աշխատակիցներն էլ օդում կախված են:
«Աշխատակիցների մեծ մասն ինձ հետ է»,- հերթական վիրահատությունից հետո Sputnik Արմենիայի հետ զրույցում տեղեկացնում է Տարոն Տոնոյանը: Հիմա իրենք աշխատում են Սեբաստիա ԲԿ-ում, բայց հին աշխատանքի հասցե վերադառնալու ցանկությունը մեծ է:
Շենքը, որը գնել է Տոնոյանը գրեթե Երևան ԲԿ-ի հարևանությամբ է, «Չորս պատ է,– պատմում է վիրաբույժը,– այստեղ տանող ճանապարհներ գրեթե չկան, եղածները նեղ են, լուծված չէ ավտոկայանատեղիի հարցը, բայց այստեղ կաշխատենք, մինչև պարզ դառնա, թե Երևանի հետ ինչ է լինելու»:
Տոնոյանի խոսքով` սա միջանկյալ հանգրվան է, հիմնական նպատակն է անցնում դեպի իրենց հիվանդանոցի ավանդույթների վերականգնմանը: «Սա միայն ինձնից չէ կախված: Երբ գործընկերս կամա-կամաց ռացիոնալ դաշտ կվերադառնա, վերջ կտա դատական դեգերումներին` հնարավոր կլինի բանակցել»,-ասում է Տոնոյանը:
Իսկ բանակցություններ այս պահին չկան: Պատերազմի ժամանակ դրանք չեն լինում, պատրազմի բովով անցած ռազմական վիրաբույժը խաղաղ ժամանակներում սերտած դասերը կիրառում է: Նա առայժմ զվաղված է իր հիվանդներով ու վիրահատություններով: Ամենայն հավանականությամբ, նոր բժշկական կենտոնը հենց վիրաբուժական ուղղվածություն է ունենալու:
