ԵՐԵՎԱՆ, 13 սեպտեմբերի — Sputnik. Թուրքիայի նախագահ Ռեջեփ Թայիփ Էրդողանը քննադատել է Ամերիկայի արձագանքն` ուղղված Թուրքիային ռուսական С-400 ՀՕՊ համակարգեր մատակարարելու գործարքին, հայտնում է Sputnik–ը։
«С-400 մատակարարման վերաբերյալ մեր պայմանագիրը զայրույթ առաջացրեց ԱՄՆ–ի մոտ։ Իսկ ի՞նչ է, մենք պետք է ձե՞զ սպասեինք։ Մեր ազգային անվտանգության պահպանմանն ուղղված անհրաժեշտ միջոցների վերաբերյալ բոլոր որոշումները մենք ինքնուրույն ենք ընդունում և կշարունակենք ընդունել», – հայտարարել է Էրդողանը` ելույթ ունենալով Անկարայում թուրք քաղաքապետերի հանդիպմանը։
ՌԴ ռազմատեխնիկական համագործակցության Դաշնային ծառայության մամուլի բաժինը երեքշաբթի հայտնել էր, որ Մոսկվան և Անկարան ստորագրել են պայմանագիր Թուրքիային С —400 համակարգերի մատակարարման մասին:
Ավելի վաղ Էրդողանը հայտարարել էր, որ Անկարան C-400 ձեռք բերելու համար արդեն առաջին վճարումներն արել է։
![США в бешенстве от соглашения с Россией по С-400 США в бешенстве от соглашения с Россией по С-400 - Sputnik Արմենիա](https://cdn.am.sputniknews.ru/img/862/94/8629469_0:0:3100:2187_600x0_80_0_0_3336fd3ce98f9001ad13532eb00de4be.jpg)