Լուսինե Սահակյան
Հայաստանի 182 փաստաբան որոշել են վաղը գործադուլ անել և չներկայանալ դատական նիստերի։ Փոխարենը փաստաբանները կհավաքվեն «Կոնգրես» հյուրանոցում` քննարկելու ստեղծված իրավիճակն ու որոշելու հետագա անելիքները։
Այս մասին Sputnik Արմենիային հայտնեց փաստաբան Լուսինե Սահակյանը, որը ևս միացել է բողոքի ակցիային։
«Դատարաններում խնդիրներ, իհարկե, կառաջանան, որովհետև 182 փաստաբանը շատ լուրջ թիվ է»,- ասաց Սահակյանը։
Փաստաբանների բողոքի պատճառը դատարաններ մուտք գործելիս իրենց նկատմամբ իրականացվող խուզարկություններն են։
Փաստաբաններն այս վերաբերմունքը համարում են անօրինական և նվաստացուցիչ։
Կսահմանափակվի՞ գործադուլը 1 օրով, թե՞ կշարունակվի, Լուսինե Սահակյանը դժվարացավ կանխատեսել` նշելով, որ դա պարզ կդառնա միայն քննարկումից հետո։
