ԵՐԵՎԱՆ, 12 սեպտեմբերի — Sputnik. Երկու մետրանոց պատերով միջնադարյան ամրոցը հնագետները հայտնաբերել են Հայաստանի արևմուտքում, հայտնում է «Ռոսիա 24» հեռուստաընկերությունը։
Եզակի գտածոն լավ է պահպանվել. ընդհանուր առմամբ 450 քառակուսի մետր մակերես ունեցող ամրոցի տեսքը դեռ լիովին չի վերականգնվել։ Պեղումների ժամանակ հայտնաբերվել են նաև կենցաղային իրեր, հայերեն արձանագրություններով սալեր ու քարեր։ Հնագետները գտել են բազմակամար կառույց` կամարաձև շարքերով։
Նրանք համոզված են, որ գտածոն կօգնի ուսումնասիրել հայկական պետականության ծագման պատմությունը։
2003 թվականին Հայաստանի գլխավոր հրապարակի տակ XVII դարով թվագրվող մի ամբողջ քաղաք էր հայտնաբերվել։ Այն ձգվում է Աբովյան, Ամիրյան փողոցների, Հանրապետության հրապարակի ու հին Կոնդ թաղամասի տակով։ Քաղաքի շենքերը կրկնում են հին հայկական Ուրարտու պետության ճարտարապետությունը։ Ուսումնասիրությունը ցույց է տվել, որ դրանք փլուզվել են XVII դարում տեղի ունեցած երկրաշարժի ժամանակ։
