Բժիշկ Սուրեն Գյուլխասյանը «Իմ փոքրիկ նավակ» երգը գրել է երիտասարդ տարիքում, երբ առաջին փորձերն էր անում հեղինակային երգի ասպարեզում։
«Ես այն անմիջապես ցույց տվեցի Հախվերդյանին։ Նա, որպես տաղանդավոր պոետ հղկեց բառերը, դարձրեց ավելի կոկիկ։ Իմ գրածը շատ ավելի կոպիտ էր»,- Sputnik Արմենիա ռադիոկայանի եթերում պատմեց Գյուլխասյանը` հավելելով, որ Ռուբեն Հախվերդյանն իրեն շատ է աջակցել։
«Մենք այնքան էինք մտերմացել։ Օրվա որ ժամն էլ լիներ, եթե նոր երգ էինք գրում, զանգահարում էինք, հեռախոսով կատարում, ներկայացնում իրար»,- պատմեց նա։
Բժիշկ Գյուլխասյանը, երաժշտությունից զատ, բացահայտում է նաև մարդու և բնության կապի գաղտնիքը։
